Жаңалықтар

11–12 қазан күндері Ақтауда ерлер мен әйелдер арасында дзюдодан Тұрар Жолдыбаев атындағы Азияның ашық кубогы өтті.

Дәстүрлі турнир Халықаралық дзюдо федерациясының (IJF) ресми күнтізбесіне енгізілген.

Биыл жарысқа Әзербайжан, Беларусь, Гонконг, Иран, Қырғызстан, Моңғолия, Тәжікстан, Өзбекстан, Қазақстан, сондай-ақ Халықаралық дзюдо федерациясының құрама командасынан келген татами шеберлерінің 200-ден астамы қатысты.

Азия кубогы Халықаралық дзюдо федерациясының (IJF) ережелеріне сәйкес өтті және рейтингтік ұпайлар берілді. Жеңімпаздар мен жүлдегерлер мынадай ұпай алды: 1-орын — 100 ұпай, 2-орын — 70 ұпай, 3-орын — 50 ұпай.

«Ақжол Құрылыс» және «СМК-Атамекен» осы беделді турнирдің басты демеушілері болды.